Lied über das Gesundheitsresort Agathenhof

Die Gäste im OptimaMed Gesundheitsresort Agathenhof fühlen sich so wohl, dass sie kurzerhand ein Lied komponiert haben. Es ist ein richtiger Ohrwurm.

Wir danken für das tolle Lied und wünschen weiterhin einen kreativen, inspirierten und erholsamen Aufenthalt!

1.) Amoi auf Kur fohrn
jo, war des ned fein,
so homma uns docht
… und in Kärnten sios sein.

Refrain: Holladaridio, holladaro, holladaridio, was sogst denn do?

2.) So san ma jetzt do
und genieß’n die Kur,
vergess’n is‘ d’Orbeit,
‘s Handy und Uhr.

Refrain: Holladaridio, holladaro, holladaridio, was sogst denn do?

3.) A jeda hot seine Wehwechen,
ob groß oda klan,
vom Kurarzt kriegst glei amoi
dein Behandlungsplan.

Refrain: Holladaridio, holladaro, holladaridio, was sogst denn do?

4.) Ob Massage, Ultraschall
oda Vierzellenbod,
noch de drei Woch’n
gehst wieda grod.

Refrain: Holladaridio, holladaro, holladaridio, was sogst denn do?

5.) A de Gymnastik is wichtig,
des is amoi kloar,
du wüst ja no le’m
vüle hunderte Joar.

Refrain: Holladaridio, holladaro, holladaridio, was sogst denn do?

6.) Anige diafn se leg’n
auf a Pockung haß‘ Moar,
und wann a Pockung ned reicht,
jo, dann krieagns hoit glei zwoa.

Refrain: Holladaridio, holladaro, holladaridio, was sogst denn do?

7.) Moanche wern g’sund
durch a Stromtherapie,
oba nur ned z’vü aufdrahn,
weu sunst bist glei hi.

Refrain: Holladaridio, holladaro, holladaridio, was sogst denn do?

8.) Und waun de Therapeuten
aum Nochmittag geh’n z’haus,
daun haumma vü‘ Freizeit,
die nutz‘ ma a aus.

Refrain: Holladaridio, holladaro, holladaridio, was sogst denn do?

9.) Die Gegend uman Agathenhof
is wirklich recht schee,
do kaunst vüle Stund‘ waundern
durch Wies’n und Klee.

Refrain: Holladaridio, holladaro, holladaridio, was sogst denn do?

10.) Mit’n Radl zum Fischteich
aum Berg oben dro’m,
do hot scho so moincha
sei Radl daun g’schom.

Refrain: Holladaridio, holladaro, holladaridio, was sogst denn do?

11.) Im Naturbad kaunst schwimma
mit de Moich um die Wett‘;
oda faulenzt liaba
auf der Terrass‘ aum Bett?

Refrain: Holladaridio, holladaro, holladaridio, was sogst denn do?

12.) Des Oasenbod do ob’n is
Sowieso da Hit,
de Sauna, des Daumpfbod,
da Masseur mocht die fit.

Refrain: Holladaridio, holladaro, holladaridio, was sogst denn do?

13.) Wia wern do verwehnt
von da Frua bis auf d’Nocht,
die Leit do san freindlich,
… a guats Essen wird g’mocht.

Refrain: Holladaridio, holladaro, holladaridio, was sogst denn do?

14.) Jo, die Kur de woar guat
für’s Gmiat und die Bana,
und wau’ma jetzt ham fohrn,
daun wer’ma recht wana.

Refrain: Holladaridio, holladaro, holladaridio, was sogst denn do?

15.) Oba jetzt, wo ma wissen,
wie sche a Kur is…
kumm boid wieda,
jo, des is woi g’wiss.